१  धावण्याने गुडघे खराब होतात.  उलटपक्षी शास्त्रशुद्ध पद्धतीने धावल्याने  गुडघ्याभोवतीचे स्नायू बळकट होतात आणि हाडांची झीजही कमी होते. 

२  अगदी रोजच्या रोज धावावे लागत नाही.  आठवड्यातले तीन दिवस धावा, तीन दिवस व्यायामशाळेत व्यायाम करा आणि एक दिवस चक्क सुट्टी घ्या. 

३  धावल्याने वजन कमी होते का?  वेगात धावल्याने वजन कमी होत नाही तर हळूहळू धावल्याने( एरोबिक रन/ जॉगिंग) केल्याने तुमच्या शरीरातील फॅट वापरली जाते आणि वजन कमी होते. 

४  धावल्यामुळे होणाऱ्या दुखापती :  बहुतेक वेळी या दुखापती अतिवेगात धावल्याने, चुकीच्या शैलीमुळे,सदोष बुटांमुळे होतात.  हळूहळू धावा आणि जास्त वेळ  धावा. 

५ मॅरेथॉनसदृश अंतरे पळण्यासाठी सर्वात महत्त्वाचे काय असेल तर ती चिकाटी आहे. एका ४२ किलोमीटरच्या पूर्ण मॅरेथॉनसाठी १६ ते १८ आठवडे सराव करावा लागतो. आठवड्यात सहा दिवसांत एक दिवस दहा किलोमीटर एक दिवस  सात किलोमीटर असे तर रविवारी १७ किलोमीटर असे पळून नंतर हळूहळू अंतर वाढवावे.  रविवारी १७  किलोमीटर २१  किलोमीटर २५  किलोमीटर ३० किलोमीटर ३५ किलोमीटर असे करून नंतर वीस किलोमीटर १४ किलोमीटर असे करत त्या पुढच्या रविवारी तुम्ही ४२  किलोमीटर धावायला सज्ज होता. 

६  आहार :  मॅरेथॉन पळण्यासाठी फार काही वेगळे करायला लागत नाही; फक्त २५ ग्रॅम प्रोटीन शेक धावल्यानंतर तीन दिवस घ्या.  चांगले जेवण घ्या.  जंक फूड टाळा, उपवास करू नका, उपाशी पोटी पळू नका. सकाळी एक केळे खाऊन मगच धावा. 

७   मॅरेथॉनच्या वेळी बारा किलोमीटर अंतर धावल्यावर तुमच्या शरीरातले पाणी कमी होते.  २० कि. मी. च्या टप्प्याला ऊर्जा कमी होते.  याची भरपाई करण्यासाठी प्रत्येक दोन किलोमीटरला जलसंजीवनी, तर सात किलोमीटरला खजूर खावा.  अधूनमधून दोन-तीन वेळा थोडे मीठ खाल्ल्यास पायात पेटके येत नाहीत. 

८  झोप आणि मॅरेथॉन :  पुरेशा झोपेमुळे  तुमचे शरीर मॅरेथॉननंतर  पूर्ववत होते.  त्यामुळे सहा ते सात तासांची सलग व शांत झोप मिळवायचा प्रयत्न करा.  शक्य असल्यास दुपारी २० ते ३० मिनिटे वामकुक्षी घ्या. 

९  पळताना वापरायचे शूज :  मी Asics, Nike, Skechersया या कंपन्यांचे बूट वापरले आहेत. प्रतिवर्षी मॅरेथॉनपूर्वी दोन महिने बूट बदला.  खराब झालेले किंवा जुने झालेले शूज मैदानावर किंवा छोट्या अंतरासाठी वापरा.  जुने शूज वापरल्याने दुखापती होण्याची शक्यता  वाढते हे लक्षात ठेवा. 

१० पळताना  वापरायची उपकरणे :  पहिली चार वर्षे मी स्मार्ट वॉच वापरत नव्हतो; पण २०२२  सालानंतर मी गार्विन  वापरायला सुरुवात केली.  यात हृदयाची गती, एका मिनिटात पडणारी पावले, पळण्याचा वेग या सर्व गोष्टी समजतात.  तुमचे पळण्याचे सांख्यिकी विश्लेषण तुम्हांला समजू शकते.  या सर्व गोष्टी नोंदणारी अनेक ॲप्स उपलब्ध आहेत. 

 हे विश्लेषण तुम्हांला नियोजनासाठी उपयोगी पडू शकते. 

११ मॅरेथॉन हे पळणे आणि चालणे यांचे मिश्रण असते.  दर दोन किलोमीटर नंतर १२० मीटर चाला. 

१ सगळ्यात महत्त्वाचे कारण आपली तंदुरुस्ती वाढते. 

२  जीवनातील आव्हाने, खडतर प्रसंग यांना तोंड देण्याची मानसिक तयारी होते. 

३  अनेक चांगले मित्र मिळतात. 

४  या निमित्ताने विविध ठिकाणी पर्यटन होऊ शकते. 

५  एकंदरीतच जीवनातील ताण-तणाव यामुळे कमी होतात. 

If you are happy, you run. 

 if you are sad, run more; You will be happy !

मॅरेथॉनची पूर्वतयारी म्हणून जे प्रशिक्षण दिले जाते त्याचे काही प्रकार आहेत. 

 क्रॉस ट्रेनिंग :  यामध्ये दररोज पळू नका. तीन दिवस व्यायाम शाळेत व्यायाम करा.  अधूनमधून योगाभ्यास करा, सायकल चालवा, झुंबा करा. या सर्व गोष्टींनी तुमचे आयुष्य परिपूर्ण होईल, तुमची ताकद गतिमानता आणि दम वाढवण्यासाठी  त्या गोष्टी उपयोगाच्या ठरतील. 

१  इंटरवल रन :  ४०० मीटर ८००  मीटर प्रत्येक तीन मिनिटांच्या विश्रांतीनंतर  पळणे. 

२  हिल रन :  एखाद्या टेकडीवर वरती आणि खाली  पळणे, मध्ये तीन मिनिटांची विश्रांती. 

३  लॉंग इझी रन :  शक्यतो रविवारी करा.  जवळ जलसंजीवनी आणि खजूर ठेवा.  स्मार्ट वॉचचा वापर करून हृदयाची गती १३० ते १४० च्या आसपास ठेवूनच पळा.  हृदयगती यापेक्षा वाढली, की चाला.  यामुळे तुमची चरबी जळायला मदत होते. 

   काळजी घेऊन दुखापत झाली तरी त्याचा सामना करा.  मी लोणावळा मॅरेथॉनमध्ये ३५  किलोमीटरवर असताना अडकून पडलो, गुडघ्याला टाके पडले ते लवकर जुळून आले नाहीत; त्यामुळे दोन ते तीन महिने त्याची काळजी घ्यावी लागली.  परंतु जखम बरी झाल्यावर मी पुन्हा पळायला लागलो. 

 माझे उद्दिष्ट :  आता मी माझी मॅरेथॉन धावण्याची वेळ कमी करण्यासाठी पळत नाही.  पूर्ण मॅरेथॉन पाच तासांत पूर्ण करणे एवढेच सध्या माझे ध्येय आहे.  त्यासाठी मला माझ्या सध्याच्या मॅरेथॉन पूर्ण करण्याच्या वेळेतून फक्त दहा मिनिटे कमी करावी लागणार आहेत.  त्यासाठी प्रयत्न चालू आहे. 

 तुम्हीही एकदा तरी मॅरेथॉन धावायचा प्रयत्न करा एवढे सांगून थांबतो.